Toshkentda sport gimnastikasi bo‘yicha erkaklar o‘rtasida poyoniga yetgan Osiyo chempionatida mamlakatimiz sportchilari 2 ta kumush va 3 ta bronza medaliga sazovor bo‘ldi.
Kuni kecha yakunlangan yoshlar va kattalar o‘rtasidagi qit’a chempionatida terma jamoamiz a’zosi Abdulla Azimov bronza medali bilan birga “Parij-2024” Olimpiya o‘yinlari yo‘llanmasiga ega chiqdi.
Terma jamoamiz a’zolaridan Abdulla Azimov, Rasuljon Abdurahimov, Abdulaziz Mirvaliyev, O‘tkirbek Jo‘rayev, Habibullo Ergashev, Sarvar Abulfayzov jamoaviy ko‘pkurash dasturi va yakkalik musobaqalarda munosib natijalarga erishdi. G‘alabaga bo‘lgan irodasini namoyish etib, umum muvaffaqiyatga munosib hissa qo‘shdi.
T.Ro‘ziyev,
O‘zA