![](https://cdn.uza.uz/2024/04/19/16/55/g6LGSfLmc5Why5vIYbhSr7G3YxwMWAvR_front.jpg)
O‘zbekiston tashqi ishlar vazirining birinchi o‘rinbosari Bahromjon A’loyev O‘mon elchisi Vafo Jabr Nosir Al-Busaydiy bilan uchrashdi.
Tomonlar o‘zaro munosabat jadal rivojlanib borayotganini mamnuniyat bilan qayd etib, “Markaziy Osiyo – Ko‘rfaz arab davlatlari hamkorlik kengashi” Strategik muloqoti tashqi ishlar vazirlarining ikkinchi uchrashuvi Toshkent shahrida muvaffaqiyatli o‘tkazilganini olqishladilar.
![](https://cdn.uza.uz/2024/04/19/16/55/s20lXERTH6kuo88TSr5nKuPCpETOnZx5_front.jpg)
Ikki tomonlama asosda va xalqaro institutlar doirasidagi siyosiy, diplomatik hamkorlikni faollashtirish muhimligi ta’kidlandi. Savdo-iqtisodiy sheriklik salohiyatidan samarali foydalanish bo‘yicha qo‘shma chora-tadbirlar ko‘rishga o‘zaro tayyorlik tasdiqlandi.
Turli daraja va shakldagi bo‘lajak uchrashuvlar, jumladan ikki davlat tashqi ishlar vazirliklari o‘rtasidagi siyosiy maslahatlashuvning navbatdagi davrasini o‘tkazish jadvali muhokama qilindi.