Poytaxtimizdagi “Humo Arena” majmuasida professional boks bo‘yicha IBA “Chempionlar oqshomi”boshlandi.

Mazkur kechada 8 ta jang o‘tkazilishi rejalashtirilgan bo‘lib, markaziy jang IBA kamari uchun Hasanboy Do‘smatov va Samuel Karmona (Ispaniya) o‘rtasida bo‘lib o‘tadi.

Ma’lumot uchun, Hasanboy Do‘smatov professional boksda 6 ta jang o‘tkazgan bo‘lib, ularning 6 tasida g‘alaba qozongan. Uning raqibi ispaniyalik Samuel Karmona esa 11 marotaba ringga ko‘tarilib, ushbu bahslarning bittasida mag‘lub bo‘lgan. Qolgan bellashuvlarda esa zafar quchgan.

H.Do‘smatov vazn o‘lchash marosimida 50,80 kg., Samuel 50,85 kg. vazn qayd etdi.

Quyida ringga ko‘tariladigan charm qo‘lqop ustalari ro‘yxati bilan tanishasiz:

-75 kg: A’loxon Abdullayev — Jargal Otgonjargal (Mo‘g‘uliston)

-71 kg: Iqboljon Xoldorov — Raxmanqo‘l Sagadat (Qozog‘iston)

-63.5 kg: Mujibillo Tursunov — Juma Choki (Tanzaniya)

-60 kg: Elnur Abduraimov — Karlos Ornelas (Meksika)

+92 kg: Jahongir Zokirov — Smaki Agron (Xorvatiya)

+92 kg: Maykl Xanter (AQSH) — Artyom Suslenkov (Rossiya)

-67 kg: Asadxo‘ja Mo‘ydinxo‘jayev — Fatix Keles (Turkiya)

-51 kg: Hasanboy Do‘smatov — Samuel Karmona (Ispaniya)

Javohir Toshxo‘jayev, O‘zA