“Krokus Siti Xoll”dagi so‘nggi fojiali voqealar Rossiyada ksenofobiya va islomofobiya kuchayishiga yo‘l qo‘yib bo‘lmasligini yana bir bor ko‘rsatdi. Bu haqda Prezident Vladimir Putin Ichki ishlar vazirligining kengaytirilgan hay’ati yig‘ilishida ma’lum qildi.

“AzerTAJ” yozishicha, yetakchi davlat, jamiyat manfaati va xavfsizligini ta’minlash, mamlakatda millatlararo va dinlararo totuvlikni saqlash muhimligiga e’tibor qaratdi. Shuningdek, u noqonuniy migratsiya xavfini yumshatish uchun mavjud elektron ma’lumotlar bazasi talab darajasida emasligini ta’kidladi.

– Rossiyada faqat urf-odatimiz, tilimiz, madaniyatimiz, tariximizni hurmat qiladiganlargina yashashi va ishlashi mumkin, – dedi Putin. – Ushbu tamoyil hal qiluvchi omil bo‘lishi kerak.