Qoraqalpog‘iston Respublikasi Taxiatosh tumanida dehqonchilik mahsulotlari yetishtiriladigan yerlardan samarali foydalanish, shuningdek, zamonaviy issiqxonalar tashkil etish bo‘yicha keng ko‘lamli ishlar amalga oshirilmoqda. Asosiy maqsad esa, bozorlarimiz to‘kin-sochinligi hamda aholini arzon narxdagi oziq-ovqat mahsulotlari bilan ta’minlash, qolaversa, hududning eksport salohiyatini oshirishdan iborat.
Tumandagi “Naymanko‘l” ovul fuqarolar yig‘ini hududida joylashgan “Nayman agro teplitsa” mas’uliyati cheklangan jamiyati tomonidan 2018-yilda 3,8 million AQSH dollari miqdoridagi investitsiya hisobidan, Janubiy Koreya texnologiyasi asosida issiqxona tashkil etilgan. Bu yerda 100 ga yaqin aholi ish bilan ta’minlagan. 8,5 gektar yer maydonidagi issiqxonada yetishtirilayotgan pomidor mahalliy bozorga chiqarilishi bilan birga, Qozog‘iston va Rossiya davlatlariga eksport qilinmoqda.
Maqsad HABIBULLAEV(surat),O‘zA