Uzbekistan Airways kompaniya matbuot xizmatining xabar berishicha, Navro‘z bayrami munosabati bilan bir qancha mahalliy yo‘nalishlarga qo‘shimcha aviaqatnovlar joriy etilishini ma’lum qildi.
Qo‘shimcha reyslar, Toshkent — Nukus — Toshkent — 20-mart kuni, Toshkent — Buxoro — Toshkent — 20, 21, 24-mart kunlari, Toshkent — Urganch — Toshkent — 24-mart kuni, Toshkent — Farg‘ona — Toshkent — 21-mart kuni, Toshkent — Namangan — Toshkent — 24-mart kuni.
Parvozlar jadvali bilan kompaniya saytida tanishish mumkin. Ma’lumot o‘rnida aytish joiz, Uzbekistan Airways Navro‘z bayrami munosabati bilan mahalliy aviaqatnovlar uchun 30 foizlik chegirma e’lon qilgandi. U 21−24-mart kunlari ekonom va biznes klass tariflari uchun amal qiladi.
Sh.Mamaturopova,
O‘zA