Markaziy razvedka boshqarmasi rahbari Uilyam Byorns bayonot berishicha, Kongress yangi yordamni ma’qullasa, Ukrainada qarshi hujumga o‘tish va “Qrimga zarba berish” imkoni paydo bo‘ladi.

– Yangi yordam tufayli Ukraina 2024-yil oxiri yoki 2025-yil boshida hujum qilish tashabbusini qaytarib oladi, – dedi u Senatning Razvedka qo‘mitasi yig‘ilishida so‘zga chiqib. Shuningdek, mamlakat muzokarada ham kuchli pozitsiyani egallaydi. Agar AQSH qo‘shimcha harbiy texnika yetkazib berishdan bosh tortsa, Ukraina joriy yil kattagina hududini yo‘qotishi mumkin.