Filippinda joriy yilning 26 fevral kunidan 9 martiga qadar suv sporti turlari bo‘yicha Osiyo chempionati o‘tkaziladi.

Mazkur qit’a chempionatida O‘zbekiston delegatsiyasi a’zolari ham ishtirok etadi. Chempionatning suv polosi bo‘yicha musobaqalar jadvali e’lon qilindi. Unga ko‘ra, erkaklar terma jamoamiz “A” guruhidan o‘rin oldi va Xitoy, Tailand, Yaponiya hamda Saudiya Arabistoni terma jamoalari bilan raqobatlashadigan bo‘ldi.  Mazkur guruhdagi ilk uchrashuvni O‘zbekiston suv polosi terma jamoa Saudiya Arabistoni termasiga qarshi o‘tkazadi.

Ayollar o‘rtasidagi chempionatda esa  O‘zbekiston, Yaponiya, Qozog‘iston, Xitoy, Shri-Lanka, Singapur va Tailand terma jamoalari guruhga bo‘linmagan holda o‘zaro raqobatlashadi. Vakillarimiz birinchi o‘yinda Singapur termasi bilan to‘qnash keladi.

Javohir Toshxo‘jayev, O‘zA