I qishki “Primore bolalari” o‘yinlarida ishtirok etadigan mamlakatimiz sport delegatsiyasi Rossiyaga jo‘nab ketdi.
Mazkur kompleks sport o‘yinlarida o‘nga yaqin davlatning mingdan ziyod sportchisi 8 ta sport turi bo‘yicha kechadigan bahslarda g‘oliblik uchun kurash olib boradi.
O‘zbekiston sportchilari xokkey, sonubord, tog‘ chang‘isi yo‘nalishlarida o‘z omadlarini sinovdan o‘tkazadi.
– Asosan yoshlar va o‘smirlar ishtirok etadigan ushbu kompleks o‘yinlarda yurtimizning umidli sportchilarining qatnashishi uchun davlatimiz tomonidan zarur shart-sharoitlar yaratib berildi. Bilasiz, 2026 yili o‘smirlar o‘rtasida XXV qishki Olimpiya o‘yinlari Italiyaning Milan va Kortina-dʼAmpetsso shaharlarida bo‘lib o‘tadi. Maqsad kelajakda qishki sport turlari bo‘yicha mahoratli sportchilarni tayyorlash, ularning mahoratini oshirish orqali yana ikki yildan keyin Italiyada o‘tadigan to‘rt yillik o‘yinlarga nomzodlarni hozirdan saralab borishdir, – deydi Sport vazirligi bo‘lim boshlig‘i Mirjamol Yunusov.
Eslatib o‘tamiz, I qishki “Primore bolalari” xalqaro o‘yinlarining asosiy bellashuvlariga ertaga start beriladi. Musobaqalar 24 fevralga qadar davom etadi.
To‘lqin Ro‘ziyev, O‘zA