Ruminiyada o‘smirlar va yoshlar o‘rtasida o‘tayotgan “Dracula“ xalqaro turnirida yosh bokschilarimiz chorak final janglarini o‘tkazdi.

Ushbu bellashuvlarda 64 kilogrammgacha vazn toifasida Elbek Baxtiyorov isroillik Pixor Vladislavni 5:0 hisobida yenggan bo‘lsa, vazni 67 kilogrammgacha bo‘lgan charm qo‘lqop ustalari orasida Akbar Ahmadov Italiya vakili Kristian Hakurani ushbu hisobda taslim qildi. Shuningdek, o‘z vazn toifalarida Shamsiddin Tursunov va Javohir Mehriddinov g‘alaba qozondi.

Bugun, 16 fevral kuni yoshlar o‘rtasidagi yarim final janglarida quyidagi bokschilarimiz ringga ko‘tariladi:

– 51 kg: Abdulaziz Abdunazarov – George Kojokaru (Ruminiya);

– 54 kg: Sobir Tastanov – Daniyel Irofte (Ruminiya);

– 57 kg Samandar Olimov – Taji Nasibo (Ozarbayjon);

– 57 kg: Nodirbek Allaberganov — Rasul Guliveriy (Ukraina);

– 60 kg: Mironshoh Norqosimov – Bogdan Cheldiy (Ukraina).

Javohir Toshxo‘jayev, O‘zA