Hozirda ko‘p qavatli uylardagi 2 mingta yerto‘la tadbirkorlarga ijaraga berilmasdan, bo‘sh yotibdi.

Bu haqda Prezident raisligida o‘tkazilayotgan yig‘ilishda ma’lum qilindi.

Vaholanki, bu orqali mahallalarda 20 mingta ish o‘rni yaratish va ijaradan yiliga 150-200 milliard so‘m qo‘shimcha daromad topish mumkin.

Endi ko‘p qavatli uylar yerto‘lasi va bo‘sh joylarini ijaraga berishning yangi tartibi joriy qilinadi. Bunda:

– yerto‘la va bo‘sh maydonlar haqida ma’lumotlar raqamlashtirilib, “Mening uyim” tizimiga bog‘lanadi hamda aholi va tashabbuskorlarga ochiq e’lon qilinadi;

– ijara to‘lovlari faqat “Mening uyim” platformasi orqali hisob-kitob qilinadi va aholi uchun ochiq bo‘ladi.

Bundan tashqari, kompleks rahbariyatiga avariya holatidagi uylarni renovatsiya qilish bo‘yicha takliflar ishlab chiqish topshirildi.

O‘zA