Shu kunlarda mamlakatimiz biznes vakillaridan iborat delegatsiya a’zolari Londonda xizmat safarida bo‘lib turibdi.

Tashrif doirasida Biznes-ombudsman Dilmurod Qosimov Buyuk Britaniya Moliyaviy ombudsman xizmati vakillari bilan uchrashdi.

Uchrashuv davomida taraflar tadbirkorlarning huquqlarini himoya qilish sohasidagi ombudsman institutlarining vazifa va funksiyalari bilan tanishdi. Xususan, Buyuk Britaniyaning Moliyaviy ombudsman xizmati kreditlash, sug‘urta va boshqa moliyaviy vositalarga oid murojaatlarni ko‘rib chiqishi qayd etildi.

Taraflar ikki davlat xususiy sektorlari vakillariga ko‘maklashish maqsadida tashkilotlar o‘rtasidagi hamkorlikni yanada rivojlantirish muhimligini ta’kidladi.

Gulnoza Boboyeva, O‘zA