Poytaxtimizda qilichbozlikning shpaga yo‘nalishi bo‘yicha yoshlar o‘rtasidagi jahon kubogi yakunlandi.
“Paxtakor” qilichbozlik zalida o‘tgan mazkur musobaqaning so‘nggi kunida jamoaviy bahslarda O‘zbekiston terma jamoasi bronza medalini qo‘lga kiritdi. Jahon kubogining oltin va kumush medallari Bolgariya hamda Turkiya terma jamoalariga nasib qildi.
Eslatib o‘tamiz, yakkalik dasturida neytral qilichboz Anastasiya Rustamova oltin, bolgariyalik Viktoriya Velislavova kumush, yana bir neytral sportchi Yekaterina Kolbeneva hamda misrlik Farah Mahfouz bronza medaliga sazovor bo‘ldi.
Javohir Toshxo‘jayev, O‘zA