Poytaxtni qoplagan quyuq tuman sababli ayrim samolyotlar “Toshkent” xalqaro aeroportiga qo‘na olmadi. Bir qator reyslar zahiradagi aerodromlar tomon yo‘naltirildi.

“Uzbekistan Airports” ma’lumotlariga ko‘ra,  “Uzbekistan Airways” aviakompaniyasining “Moskva-Toshkent” yo‘nalishi bo‘yicha parvoz qiluvchi HY602 reysi poytaxtdagi aeroportga qo‘nishni amalga oshira olmadi. Havo kemasi ekipaji Samarqanddagi zahira aerodrom tomon uchib ketdi. Samolyot Toshkent vaqti bilan soat 05:20da qo‘ndi. Shuningdek, “Uzbekistan Airways” aviakompaniyasining “Moskva-Toshkent” yo‘nalishi bo‘yicha uchayotgan HY9613 reysi yo‘lovchilaridan birining sog‘lig‘i yomonlashgani sababli ekipaj a’zolari Urganchdagi zahira aerodromga qo‘nishga majbur bo‘ldi. Samolyot Toshkent vaqti bilan soat 06:42 da qo‘ndi.

Bundan tashqari,“Centrum Air”, “Rossiya”, “Panorama Airways” va “Jazeera Airways” aviakompaniyalarining samolyotlari ham zahira aerodromlariga qo‘nishga majbur bo‘ldi.

Roman BONDARCHUK tayyorladi, O‘zA