Нәтийжели сөйлесиўлердиң жуўмағында Өзбекстан Республикасы Президенти Шавкат Мирзиёев ҳәм Түркменстан Президенти Сердар Бердимуҳамедов Биргеликтеги билдириўге қол қойды.

Буннан тысқары, мәмлекет басшылары жанында төмендеги еки тәреплеме ҳүжжетлерди алмасыў мәресими болып өтти:

– Өзбекстан – Түркменстан шегара алды саўда зонасының жумысы ҳаққындағы шәртнама;

– Денсаўлықты сақлаў ҳәм медицина илими тараўындағы бирге ислесиў ҳаққындағы келисим;

– Аўыл хожалығы тараўындағы бирге ислесиўди буннан былай да раўажландырыў ҳаққында келисим;

– Айрықша жағдайлардың алдын алыў ҳәм ақыбетлерин сапластырыў тараўында бирге ислесиў ҳаққындағы ҳүкиметлераралық келисимге өзгерислер киргизиў ҳаққында протокол;

– Халықаралық автомобильде жолаўшы ҳәм жүк тасыў ҳаққындағы ҳүкиметлераралық келисимге өзгерислер киргизиў ҳаққында протокол;

– Әдиллик министрликлери арасында 2026-2027-жылларға мөлшерленген бирге ислесиў бағдарламасы;

– Мәденият тараўында 2026-2027-жылларға мөлшерленген бирге ислесиў бағдарламасы;

– Нефть өнимлери ҳәм суйық химиялық жүклерди тасыў ушын темир жол вагонларын жеткерип бериў тараўындағы бирге ислесиў ҳаққындағы меморандум;

– Биология қәўипсизлигин тәмийинлеў мәселелери бойынша өз-ара түсинисиў меморандумы;

– Өзбекстан Республикасы Президенти жанындағы Стратегиялық ҳәм регионлараралық изертлеўлер институты ҳәм Түркменстан Сыртқы ислер министрлигиниң Халықаралық қатнасықлар институты арасында Өзбекстан – Түркменстан экспертлер кеңесин дүзиў ҳаққындағы меморандум;

– Өзбекстан Республикасы Президенти жанындағы Нызамшылық ҳәм ҳуқықый сиясат институты ҳәм Түркменстан Мәмлекет, ҳуқық ҳәм демократия институты арасындағы бирге ислесиў ҳаққындағы меморандум;

– Тоғай хожалығы тараўында 2026-2030-жылларға мөлшерленген бирге ислесиў бойынша “жол картасы”;

– Сурхандәрья ҳәм Қашқадәрья ўәлаятлары ҳәкимликлери менен Лебап ўәлаяты ҳәкимлиги, Ташкент ўәлаяты ҳәкимлиги менен Ахал ўәлаяты ҳәкимлиги ҳәм Қарақалпақстан Республикасы Министрлер Кеңеси менен Ташаўыз ўәлаяты ҳәкимлиги арасында саўда-экономикалық, илимий-техникалық ҳәм мәдений-гуманитарлық тараўлардағы бирге ислесиў ҳаққындағы келисимлер.

 

ӨзА