Президент Шавкат Мирзиёев “Жаңа Өзбекстан” паркине барып, Ғәрезсизлик монументине гүл қойды.

Елимиздиң әййемги тарийхынан ҳәзирги күнге шекемги ең әҳмийетли ўақыялар, уллы ойшыл ҳәм жаўынгер ата-бабаларымыздың тулғалары сәўлеленген бул комплекс Ғәрезсизлик тымсалына айланған. Оның ең жоқарғы бөлегиндеги Ҳумо қусы мәмлекетимиз герби, халқымыздың жақсы қәдириятларын сәўлелендиреди.

Мәмлекетимиз басшысы бул монумент ана Ўатанымыз, мәрт ҳәм батыр, тынышлықты сүйиўши ҳәм мийнеткеш, қаҳарман халқымыздың ҳүрметине қурылған уллы естелик екенин атап өткен еди.

Ғәрезсизлик монументине гүл қойыў мәресиминде Олий Мажлис Нызамшылық палатасы ҳәм Сенаты, Президент Администрациясы, Министрлер Кабинети, Ташкент қаласы жәмийетшилигиниң ўәкиллери де қатнасты.

ӨзА