Өзбекстан Республикасы Президентиниң 2025-жыл 5-майда «Билимлендириўдиң сапасын тәмийинлеў ҳәм билимлендириў хызметлерин көрсетиў системасын жетилистириў бойынша қосымша илажлар ҳаққында»ғы пәрманына қол қойылды.

Пәрман менен «Билимлендириў тараўындағы жойбарлар орайы» жойбарлаў офиси тийкарында Өзбекстан Республикасы Президенти Администрациясы жанында Билимлендириўдиң сапасын тәмийинлеў миллий агентлиги шөлкемлестириледи.

Бул агентлик орта арнаўлы, кәсиплик, жоқары ҳәм жоқары билимлендириўден кейинги билимлендириў, сондай-ақ, кадрларды қайта таярлаў ҳәм олардың қәнигелигин арттырыў, қәнигелигин баҳалаў тараўларында сыртқы сапа қадағалаўын әмелге асырыўшы арнаўлы ўәкилликли мәмлекетлик уйым болып есапланады.

ӨзА