Президент Шавкат Мирзиёев пайтахтымыздың Бектемир районына сапары ўақтында Ийкота мәҳәллесинде болып, қурылыс ҳәм абаданластырыў жумыслары менен жақыннан танысты.

Бул жердеги 37 көп қабатлы турақ жай ҳәм 1 мың 400 ҳәўлиде 6 мыңға шамалас халық жасайды. Мәмлекетимизде мәҳәлле кесиминде әмелге асырылып атырған мәнзилли жумыслар Ийкотада да өз нәтийжесин бермекте. Жаңа көп қабатлы жайлар қурылған. Коридорлар ҳәм ишки көшелер оңланған. Майданшаларға гүллер ҳәм майсалар егилген.

Өткен жылы үш қабатлы мәҳәлле уйымы имараты пайдаланыўға тапсырылған еди. Енди мәмлекетлик бюджет есабынан 358-улыўма билимлендириў мектеби қурылды. Президентимиз бул жаңа мәкемени көзден өткерди.

Билимлендириў системасына қаратылып атырған итибардың айқын көринисин бул жерде де көриў мүмкин. Дерлик мың орынға ийе мектепте оқыў ханалары, компьютер ҳәм шет тили ханалары, робототехника дөгереги, лаборатория керекли оқыў үскенелери менен тәмийинленген. Китапхана, спорт залы, футбол майданшасы ҳәм асхана балалар ушын кең қолайлықлар жаратылған.

Педагоглар менен сөйлесиў ўақтында балалардың қәбилетин дурыс қәлиплестириў, кәсиплик билимлендириўди раўажландырып, питкериўшилерди кәсип-өнерли етип турмысқа бағдарлаў әҳмийетли екенлиги атап өтилди. Атап айтқанда, мәлимлеме технологиялары, робототехника, инженерлик сыяқлы бағдарларды кеңейтиў, жас өспиримлерде әскерий-ўатансүйиўшилик руўхын күшейтиў ўазыйпалары көрсетип өтилди.

Мәҳәлледеги жаңа турақ жайлардың биринши қабатларында еки жеке меншик бақша шөлкемлестирилген. Олардың Наўрыз байрамы алдынан ашылғаны ата-аналар ушын байрамға тән саўға болды.

Ишки имканиятларды иске қосып, халықтың бәнтлигин тәмийинлеў принципи бул мәҳәлледе де көзге тасланады. 70 саўда ҳәм хызмет көрсетиў шақапшасы, 2 өндирис кәрханасында көпшилик шаңарағын бақпақта. Президентимиздиң бийлиги менен жәрияланған әҳмийетли бир айлық шеңберинде қыйтақ жерден үнемли пайдаланыў, аўыл хожалығы егинлерин егиў қызғын даўам етпекте.

ӨзА