«Турақ жай қурылысы тараўын және де раўажландырыў, турақ жай  ҳәм турақ жай емес объектлерди үлес киргизиў тийкарында қурыў процесин тәртипке салыў механизмлерин жетилистириў илажлары ҳаққында»ғы Президент Пәрманы  (ПП-11-санлы, 27.01.2025ж) қабыл етилди, деп хабар береди xabar.uz.

Пәрманға муўапық, төмендегилерди нәзерде тутатуғын «Турақ жайдың бирден-бир турмыслық цикли» принципи енгизиледи:

– турақ жай ҳәм турақ жай емес объектлерди үлес киргизиў тийкарында қурыў процесинде физикалық ҳәм юридикалық  тәреплердиң  ҳуқықларының қорғалыўын тәмийинлеў;

– бар жер ресурсларынан нәтийжели (интенсив) пайдаланған ҳалда турақ жайлардың қурылысын шөлкемлестириў;

– турақ жай қурылысы тараўында инвестиция жойбарларын әмелге асырыў мүддетлерин қысқартыў;

– турақ жайларды үлес киргизиў ҳәм ипотека кредити тийкарында сатып алыўдың исенимли ҳәм нәтийжели имканиятын жаратыў;

– турақ жайлардың қурылысында энергия нәтийжелилиги  қурылыс материалларынан пайдаланыўды  ғалаба ен жайдырыў.

Қарақалпақстан хабар агентлиги