Футбол бойынша УЕФА Чемпионлар Лигасы улыўма басқышының 7-тур ушырасыўы жуўмақланды, онда Лиссабонның «Бенфика» клубы ҳәм Каталонияның «Барселона» командалары өз-ара күш сынасты. Ушырасыў Лиссабонда жайласқан «Да Луш» стадионында болып өтти.

Ойында «Бенфика» ҳүжимшиси Вангелис Павлидис есапты ашты. 13-минутта «Барселона» ҳүжимшиси Роберт Левандовски пеналтиден есапты теңлестирди. Биринши бөлимниң орталарында Павлидис дубльге еристи. 30-минутта Павлидис өзиниң үшинши голын урып, хет-трикти рәсмийлестирди.

64-минутта «Барселона» ҳүжимшиси Рафиня есаптағы айырмашылықты қысқартты. Екинши бөлимниң орталарында қорғаўшы Роналд Араухо автоголға себепши болды. 78-минутта Левандовски пеналтиден екинши голын урып, дубльге еристи. 86-минутта «Барселона» қорғаўшысы Ерик Гарсия есапты теңлестирди. 90+6-минутта Рафиня мийманлар ушын жеңис голын урды. Ушырасыў мийманлардың 5:4 есабындағы жеңиси менен жуўмақланды.

Қарақалпақстан хабар агентлиги