Ҳәр жылы жаңа жыл байрамы мүнәсибети менен өткерилетуғын Президент шыршасы балалар ушын байрам қуўанышларына айланады. Әсиресе, байрамда Президент саўғаларының тапсырылыўы кишкенелерге үлкен қуўаныш бағышлайды. Елликқала районында Президент шыршасы илажы көтериңки руўхта өткерилди.
Журтбасшымыздың келешегимиз ийелерине көрсетип атырған меҳир-итибары ҳәм ғамқорлықларының және бир көриниси болған бул байрам илажында район ҳәкими В.Ниязымбетов балаларды байрам менен қутлықлап оларға Президент саўғаларын тапсырды. Байрам концерт бағдарламасы менен даўам етип, ертек қаҳарманларын сәўлелендирген сахналық көринислер балаларға қуўаныш бағышлады.
Қарақалпақстан хабар агентлиги