Бүгин район ҳәкимлиги мәжилислер залында жаңа жыл байрамы мүнәсибети менен илаж болып өтти.
Илажда район ҳәкими А.Тажетдинов, Қарақалпақстан Республикасы Жоқарғы Кеңеси Аппараты басшысы Ж.Идиятуллаев, Қарақалпакстан Республикасы статистика басқармасы баслығы Т.Ғаниевлар елимизде Президентимиздиң басшылығында балалардың нызамлы ҳуқық ҳәм еркинликлерин қорғаў ҳәм оларды ҳәр тәреплеме қоллап-қуўатлаў бойынша исленип атырған унамлы ислерди атап өтип, район балаларын байрам менен қутлықлады ҳәм оларға өзлериниң ең жақсы тилеклерин билдирди.
Буннан соң балаларға «Президент саўғалары» тапсырылып, бул оларға шексиз қуўаныш бағышлады.
Байрам кешеси районлық Мәденият бөлими хызметкерлери ҳәм Балалар музыка ҳәм көркем өнер мектеби тәрбияланыўшылары тәрепинен таярланған йошлы концерт бағдарламасы менен даўам етти.
Адилбай Оразов,
Қарақалпақстан хабар агентлиги шолыўшысы