Ташкент қаласындағы Жаслар дөретиўшилик сарайында «Ташкент – ҒМДАның биринши жаслар пайтахты – 2024» жойбарының салтанатлы жабылыў мәресими ҳәм Халықаралық волонтёрлар форумы өткерилди.
«Жаслар форумы-2024» шеңберинде шөлкемлестирилген илажда ҒМДА мәмлекетлери жетекши волонтёрлары, халықаралық шөлкемлердиң ўәкиллери ҳәм Өзбекстан волонтёрлық мектеплериниң белсенди ағзалары қатнасты.
Форум даўамында ҒМДА мәмлекетлери волонтёрлық жумысына бағышланған көргизбе ҳәм Орайлық Азиядағы волонтёрлыққа тийисли БМШтың биринши шолыўы көрсетилди. Жыл даўамында ең жақсы нәтийжелерге ерискен волонтёрлар да мүнәсип атап өтилди. Сондай-ақ, волонтёрлар ҳәм шөлкемлестириўшилер тәрепинен жыл нәтийжелери додаланып, келешектеги бирге ислесиў перспективалары белгилеп алынды.
Форум жуўмағында «Ташкент – ҒМДА жаслар пайтахты» халықаралық жойбарының жабылыў мәресими өткерилди ҳәм 2025-жыл ушын бул эстафета Әзербайжанның Габала қаласына тапсырылды.
Гулноза Бобоева, ӨзА