YouTubeʼте дерлик 20 миллион жазылыўшыға ийе белгили IT-блоггер Маркес Браунли 2024-жылдың тийкарғы смартфонларын таңлады. Видео автордың YouTubeʼтеги каналында жәрияланған.
Браунли Samsung Galaxy S24 Ultra флагманын жылдың ең жақсы телефоны деп аталды. Қәнигениң сөзлерине бола, қурылма зеригерли болып көриниўи мүмкин, себеби онда дизайн сыяқлы өзгеше фукнциялар жоқ. «Бирақ, оның әжайып экраны, батареясы, камералары бар», деп атап өтти блогер.
Автор 6,1 дюймлы дисплейге ийе ҳәм бир қолға аңсат сыятуғын iPhone 16ны ең жақсы киши телефон деп атады. «Ең жақсы камера» номинациясында iPhone 16 Pro, «Ең арзан» – Nothing Phone 2a, «Ең жақсы батарея» – Red Magic 10 Pro, «Ең жақсы дизайн» – Huawei Mate XT деп жәрияланды.
Маркес Браунли Google Pixel 9 Pro Fold жаратыўшыларын ең жақсы инновациялар ушын мақтады. Автор Google Pixel 9 Pro Fold’ды жылдың ең тийкарғы жыйналатуғын смартфоны деп атады. Браунли Asus Zenfone 11 Ultra’ни 2024-жылдағы әўметсизлик деп есаплады.
Қарақалпақстан хабар агентлиги