Футбол бойынша 16 жасқа шекемги жас өспиримлер арасында өткерилген «Академиялар кубоги» жарысы республикамыздың жас футболшылары ушын оғада табыслы келди.
Командамыз өткерилген ойынлар соңында сыйлы үшинши орынды ийелеп, турнирдиң қола медалы менен сыйлықланды.
Сондай-ақ, бул жарыста командамыздың бир қатар ойыншылары турнирде шебер ойынлар көрсетип бир қатар номинациялар бойынша жеңимпаз болды.
Атап айтқанда, олар арасынан Адхамбек Бекчанов 1-турдың, Рахматулла Амангелдиев 3-турдың, Асылбек Аташев шерек финалдың, Дилшад Махмудов 3-орын ушын ойынның ең жақсы футболшысы деп табылған болса, Саламат Избасқанов турнирдиң ең жақсы ойыншысы деп табылды.
Адилбай Оразов,
Қарақалпақстан хабар агентлиги шолыўшысы