Соңғы жыллары шет тиллери қатарында жасларымыздың корейс тилин үйрениўге де қызығыўшылығы артып бармақта.
Өзбекстан Республикасы Мектепке шекемги ҳәм мектеп билимлендириўи министрлиги ҳәм Корея Республикасының Өзбекстандағы елшиханасы жанындағы Корея билимлендириў орайы менен биргеликте Қарақалпақстанда биринши мәрте 24-санлы улыўма билим бериў мектебинде корейс тили олимпиадасы өткерилди. Олимпиада 9,10,11-класс оқыўшылары арасында өткерилип, жоқары балл топлаған 15 оқыўшы Өзбекстан Республикасы басқышына жолламаға ийе болды.
Олимпиаданы өткериўден мақсет- оқыўшы жасларды шет тиллерине болған қызығыўшылығын қоллап-қуўатлаўдан ибарат.
Қарақалпақстан хабар агентлиги