Усы жылдыӊ 2―5-декабрь күнлери Түркия Республикасыныӊ Cтамбул қаласында «Түрксой» халықаралық түркий халықлар мәденият шөлкеми менен биргеликте халқымыздыӊ уллы шайыры Әжинияз Қосыбай улыныӊ 200 жыллығы кеӊ түрде белгиленениўи нәзерде тутылған.
Юбилейге бағышланған илажлар шеӊберинде 3-декабрь күни Стамбул университетинде Әжинияз Қосыбай улы дөретиўшилигине бағышланған «Әжинияз руўхый дүнья жыршысы» атамасындағы әмелий конференция ҳәм 4-декабрь күни Стамбулдағы «Бакчилар беледиеси» концерт залында өзбек ҳәм қарақалпақ көркем өнер шеберлериниӊ, ϴзбекстан мәмлекетлик филармониясы Қарақалпақстан Республикасы бөлими дөретиўшилериниӊ атқарыўында «Айт сен Әжинияздыӊ қосықларынан» атамасындағы концерт бағдарламасы өткерилиўи режелестирилген.
Қарақалпақстан хабар агентлиги