Аймақлардағы жаслар жетекшилериниң физикалық имканиятларын күшейтиў ҳәм интеллектуаллық потенциалын еле де арттырыў, олар арасында саламат бәсеки орталығын, өз-ара дослық байланысларын беккемлеў мақсетинде, Нөкис қаласында «Жетекши спартакиадасы»ның Қарақалпақстан Республикалық басқышы болып өтти.
Спартакиада шеңберинде ерлер арасында спорттың мини футбол түри бойынша жарыс өз жуўмағына жетип, онда барлық қарсыласларын жеңип шығыўға миясар болған Қоңырат районы командасы биринши орынды ийелеўге миясар болды.
Финалда қоңыратлы футболшыларға жеңилип қалған Елликқала районы командасына екинши, Кегейли районы командасына үшинши орын несип етти.
Спартакиада соңында жеңимпаз командалар шөлкемлестириўшилер тәрепинен арнаўлы диплом, кубок, медаль ҳәм баҳалы саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы