Ташкент қаласындағы Универсал спорт сарайында Кураш ҳәптелигиниң гезектеги күнинде прокуратура уйымлары хызметкерлери беллесиўи болып өтти.
Онда Өзбекстан Республикасы Бас прокуратурасы, ўәлаятлар, Ташкент қаласы, Қарақалпақстан Республикасы, Транспорт прокуратурасы, бас прокуратура академиясы ҳәм Мәжбүрий орынлаў бюросының хызметкерлери өзлериниң шеберлигин көрсетти. Ерлер арасында -66, -73, -81, -90, +90 ҳәм ҳаял-қызлар арасында +63 килограмм салмақ категорияларында болып өткен “Прокурор палўаны” республика турниринде 100 ге шамалас хызметкер қатнасты.
Жарыс жуўмағында Қарақалпақстан Республикасы прокуратурасының хызметкери Саламат Бекмуратов 66 килограмм салмақта сыйлы 3-орынды ийеледи.
Қарақалпақстан хабар агентлиги