Ташкент қаласындағы Универсал спорт сарайында болып өтип атырған Кураш ҳәптелигиниң гезектеги күни прокуратура уйымлары хызметкерлерине бағышланды.
Өзбекстан Республикасы Бас прокуратурасы, ўәлаятлар, Ташкент қаласы ҳәм Қарақалпақстан Республикалары ҳәм Транспорт прокуратурасы, Бас прокуратура академиясы ҳәм мәжбурий орынлаў бюросы прокурорлары Курашта өз уқыплылығын көрсетти.
Ерлер арасында 66, 73, 81, 90, +90 килограмм салмақ категорияларында, ҳаял-қызлар арасында +63 килограмм салмақ категорияларында болып өткен “Прокурор палўаны” республика турниринде 100 ге шамалас гүресшилер қатнасты.
Жарыста Қарақалпақстан Республикасы прокуратурасы хызметкери Саламат Бекмуратов 66 килограмм салмақта сыйлы 3-орынды ийеледи.
Қарақалпақстан хабар агентлиги