5-13-ноябрь күнлери Сырдәрья ўәлаятының Гүлистан қаласында бокс бойынша жас өспиримлер арасында Өзбекстан кубоги болып өтти.
Жарысқа мәмлекетимиздиң барлық аймақларынан жас боксшилер қатнасып, жеңимпазлық ушын кескин гүрес алып барды.
Қызықлы өткен беллесиўлер жуўмағында, +80 кг салмақ категориясы бойынша рингке шыққан қарақалпақстанлы Артур Кеңесбаев барлық қарсыласларын жеңип шығып, алтын медальды қолға киргизиўге миясар болды.
Жас спортшымызды бул жарысқа тәжирийбели тренерлерден Асқар Жуманов ҳәм Шараф Айтбаевлар таярлады.
Адилбай Оразов,
Қарақалпақстан хабар агентлиги шолыўшысы