Өзбекстан Республикасы Президенти Шавкат Мирзиёев 11-13-ноябрь күнлери халықаралық саммитлерде қатнасыў ушын әмелий сапар менен Саудия Арабстаны ҳәм Әзербайжан Республикасында болады.
Еки муқаддес мешит хызметкери – Саудия Арабстаны Патшасы Салмон бин Абдулазиз Ол Саудтың мирәт етиўине бола мәмлекетимиз басшысы бүгин Газа ҳәм Ливандағы жағдайдың кескинлесиўи ҳәм Жақын Шығыстағы қарама-қарсылыққа тез пурсатта шешим табыў илажларын ислеп шығыўға бағышланған гезексиз Араб-ислам саммитинде қатнасады.
12-13-ноябрь күнлери Өзбекстан жетекшиси Әзербайжан Республикасы Президенти Илҳам Әлиевтиң мирәт етиўине бола БМШтың Климат өзгериўи бойынша рамкалы конвенциясы Тәреплери конференциясының 29-сессиясы (СОР29) илажларында қатнасады.
Өзбекстан Президентиниң усы саммитлерде шығып сөйлеўи, сондай-ақ, сырт мәмлекетлер ҳәм халықаралық шөлкемлер басшылары менен бир қатар ушырасыўлар өткериўи режелестирилген.
ӨзА