Миграция агентлиги Қарақалпақстан Республикасы филиалында Россия Федерациясыныӊ «Стальмост» қурылыс кәрханасында жумыс ислеўди қәлеўши пуқаралар ушын онлайн сәўбет өткерилди.
Сәўбетке республика аймағындағы 20 жастан 50 жас аралығындағы ер адамлар қатнасты. Илаж даўамында жумыс бериўши ўәкиллер тәрепинен жумыс орнындағы жаратылған шараятлар ҳәм айлық ис ҳақылары бойынша кеңнен түсиник берди.
Сондай-ақ, жумыс бериўши кәрхана ўәкиллери менен талабанлар жеке тәртипте сәўбетлесип, жумысшыларға койылатуғын талаплар менен таныстырылды. Республика турғынлары ушын шет еллерде усыныс етилип атырған жумыс орынлары туўралы агентликтен қосымша мағлыўмат алыў мүмкин.
Арзыгүл ЕСЕМУРАТОВА,
ҚМУдың Мәлимлеме хызмети ҳәм
жәмийетшилик пенен байланыслар тәлим бағдары 3-курс студенти.
Қарақалпақстан хабар агентлиги.