Футбол бойынша Өзбекстан миллий сайланды командасы бас тренери Сречко Катанец ноябрь айында өткерилетуғын ойынларға қатнасыў ушын шақырылған футболшылардың дизимин жәриялады.

Бул дизимде төмендеги футболшылардың атлары көрсетилген. Атап айтқанда, дәрўазаманлардан Ўткир Юсупов (“Фулад”, Иран), Ботирали Эргашев (“Нефтчи”), Абдувоҳид Неъматов, (“Насаф”), қорғаўшылардан Рустам Ашурматов (“Рубин”, Россия), Умарбек Ешмуродов (“Селангор”, Малайзия), Хусниддин Алиқулов (“Ризеспор”, Түркия), Абдуқодир Хусанов (“Ланс” Франция), Фарруҳ Сайфийев (“Навбаҳор”), Ҳожиакбар Алижонов (“Пахтакор”), Шерзод Насруллаев (“Насаф”), Умар Адҳамзода (“Пахтакор”), ярым қорғаўшылардан Жамшид Искандеров (“Навбаҳор”), Азиз Турғунбоев (“Сивасспор”, Түркия), Акмал Мозговой (“Насаф”), Одилжон Ҳамробеков (“Навбаҳор”), Абдулла Абдуллаев (“Пахтакор”), Отабек Шукуров (“Ал Фейҳа”, Саудия Арабстаны), Абдурауф Бўриев (“Пахтакор”), ҳүжимшилерден Элдор Шомуродов (“Рома” Италия), Бобир Абдихолиқов (“Насаф”), Жалолиддин Машарипов (“Истиқлол”, Иран), Хожимат Эркинов (“Ал Ваҳда”, БАӘ), Аббосбек Файзуллаев (ЦСКА Россия), Остон Ўруновлар (“Персеполис”, Иран) орын алған.

Соны айтып өтиўимиз керек, Өзбекстан миллий сайланды командасы ФИФА күнлери шеңберинде 2026-жылы өткерилетуғын жәҳән чемпионаты таңлап алыў ойынларында 14-ноябрь күни Доҳада Қатарға қарсы, 19-ноябрьде Арқа Кореяға қарсы ушырасыў өткереди.

Адилбай Оразов,

Қарақалпақстан хабар агентлиги шолыўшысы