Бухара ўәлаятында 16 жасқа шекемги жас өспиримлер арасында футбол бойынша «Академиялар кубоги» жарысы болып өтпекте.

Онда республикамыздың жас футболшылары да табыслы қатнаспақта.

Атап айтқанда, бул турнирдиң «в» топарынан орын алған командамыз дәслепки турда Сурхандәрья ўәлаяты футболшыларын 4:0 есабында жеңип шығыўға миясар болды. Екинши турда әндижанлы жасларға 3:0 есабында жеңилип қалған командамыз ағзалары, топардағы үшинши турда Сырдәрья ўәлаяты командасын 1:0 есабында жеңип, шерек финалға жол алды.

Бүгин кубок шеңберинде шерек финал ойынлары өткериледи. Онда республикамыз командасы ферғаналы жаслар менен ярым финал жолламасы ушын гүрес жүргизеди.

Футболшыларымызға әўмет яр болыўын тилеп қаламыз.

Адилбай Оразов,

Қарақалпақстан хабар агентлиги шолыўшысы