Қарақалпақстан Республикасы шахмат федерациясының басламасы менен Жаслар орайында Қарақалпақстан Республикасы Мектепке шекемги ҳәм мектеп билимлендириўи министрлиги, Жаслар ислери агентлиги Қарақалпақстан Республикасы басқармасы менен биргеликте спорттың шахмат түринен республикалық көлемде жарыс шөлкемлестирилди.
Өзбекстан Республикасы Президентиниң 2021-жыл 14-январдағы «Шахматты және де раўажландырыў ҳәм ғалабала ен жайдырыў сондай-ақ, шахматшыларды таярлаў тараўын жетилистириў илажлары ҳаққында» қарарының орынланыўы бойынша өткерилген бул жарысқа республикамыздың барлық аймақларынан 5-7 жас аралығындағы мектепке шекемги билимлендириў шөлкеми тәрбияланыўшылары қатнасты.
Жарыс соңында жеңимпазлар анықланып, оларға диплом ҳәм естелик саўғалары тапсырылды. Жарыстың сыйлықлаў мәресимине Қарақалпақстан Республикасы мектепке шекемги ҳәм мектеп билимлендириўи министри Г.Кожабаева қатнасты.
Қарақалпақстан хабар агентлиги