Канаданың Галифакс қаласында фигуралы ушыў бойынша ересеклер арасында Гран-при турнири болып өтти.
Онда жуплықлар арасында өткерилген беллесиўлерге қатнасқан Өзбекстан сайланды командасы ағзалары Екатерина Гейниш ҳәм Дмитрий Чигирев қысқа ҳәм еркин бағдарламалар жуўмағында 189.65 балл топлап, гүмис медальды қолға киргизиўге миясар болды.
Әҳмийетли тәрепи сонда, спортшыларымыз тек өзлериниң өмиринде емес, ал, Өзбекстан тарийхында жуплықлар арасында Гран-при медальларын жеңип алған дәслепки спортшыларға айланды.
Бул жарыста алтын медальды канадалы Динна Стеллато-Дудек/Максим Дешам, қола медалып австралиялы Анастасия Гольюбова/Эктор Гьётопулос Муурлар ийелеўге еристи.
Адилбай Оразов,
Қарақалпақстан хабар агентлиги шолыўшысы