Бүгин елимиздиң барлық қала ҳәм районларында Өзбекстан Республикасы Олий Мажлиси Нызамшылық палатасы, Қарақалпақстан Республикасы Жоқарғы Кеңеси ҳәм жергиликли Кеңеслерине депутатларды сайлаў қызғын даўам етпекте.

251-участкалық сайлаў комисссиясы 21-санлы улыўма орта билим бериў мектебинде жайласқан болып, оған Жүзимбағ аўыл пуқаралар жыйыны аймағындағы аўыллардың турғынлары белсене қатнаспақта.

-Участкамыз бойынша 1800 сайлаўшы дизимге алынған,-дейди 251-участкалық сайлаў комисссиясының хаткери Мақсуд Ережепов.-Соннан саат 14:00 ге шекем 1078 адам даўыс бериўге қатнасты.

Аймағымыз шашаў жайласқанлықтан алыс аўылларда жасаўшы пуқаралардың сайлаўға келиўи еле даўам етпекте.

-Мен усы аймақта жасайман. Өзим де бурын депутат болып сайланғанман ҳәм оның жуўапкершилигин дурыс түсинемен. Сонлықтан бул сайлаўға бүгин шаңарақ ағзаларымыз бенен бирге келип, өзлеримиз қәлеген талабан ҳәм партияға даўыс бердим,-дейди аўыл турғыны Парахат Юсупов.

Адилбай Оразов,

 Қарақалпақстан хабар агентлиги шолыўшысы