Нөкис қаласындағы спортттың жеке гүрес түрлерине қәнигелескен Республикалық спорт мектебинде еркин гүрес бойынша жаслар арасында Қарақалпақстан Республикасы чемпионаты болып өтти.
Оған Хожели, Бозатаў, Нөкис, Қараөзек районлары ҳәм Нөкис қаласындағы спорт мектеплеринен жас палўанлар қатнасып, 10 салмақ категориясы бойынша өз-ара беллести.
Қызықлы өткен жарыс жуўмағында 57 кг салмақ категориясы бойынша Рустам Сабиров, 61 кг да Еркинбай Абдуайитов, 65 кг да Мийрас Қошмуратов, 70 кг да Жалалиддин Исмайылов, 74 кг да Пердосым Мамбеткаримов, 79 кг да Ерсултан Тлеўниязов, 92 кг да Тилеўберген Дурысбергенов ҳәм 125 кг да Айназар Базарбаевлар алтын медальды қолға киргизип, Қарақалпақстан Республикасы чемпионы атағына миясар болды.
Жарыс соңында, жеңимпаз спортшылар шөлкемлестириўшилер тәрепинен медаль, диплом ҳәм естелик саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы