Кегейли районы спорт мектебинде спорттың Баскетбол түринен 17 жастағы жаслар арасында Қарақалпақстан кубоги ушын жарыслар болып өтти.
Жарысқа республикамыздың барлық қала ҳәм районларынан күшли командалар қатнасты.
Қызғын беллесиўлерге бай болған жарыс жуўмағында, биринши орынды Тахтакөпир районы жаслары барлық қарсыласларын жеңип шығып, Қарақалпақстан кубогиниң ийесине айланды.
Финалда тахтакөпиршилерге жеңилип қалған Нөкис қаласы баскетболшылары екинши, Кегейли районы баскетболшылары үшинши орынды ийелеўге миясар болды.
Жеңимпазлар шөлкемлестириўшилер тәрепинен таярланған диплом ҳәм кубок пенен сыйлықланды.
Адилбай Оразов,
Қарақалпақстан хабар агентлиги шолыўшысы