Олий Мажлис Нызамшылық палатасы ҳәм жергиликли Кеңеслерге депутатлыққа талабанлардың сайлаўшылар менен ушырасыўлары даўам етпекте.
1-сайлаў округинен Олий Мажлис Нызамшылық палатасы депутатлығына Өзбекстан Экологиялық партиясынан көрсетилген талабан Сапаргүл Утемуратова да мәҳәллелерде сайлаўшылар арасында үгит-нәсият ушырасыўларын өткермекте.
Ушырасыўларда партияның Сайлаўалды бағдарламасындағы әҳмийетли басламалар сайлаўшыларға жеткерилмекте. Атап айтқанда, автомобиль жолында скутерлер ҳәм велосипедлерде ҳәрекетлениў ушын айрықша коридорларды шөлкемлестириў басламасы саламат турмыс тәризи ҳәм ҳаўаның тазалығы ушын зәрүр усыныс екенлиги атап өтилмекте. Партия халықтың велосипедлерде ҳәрекетлениўиниң, бул ушын қолайлы шараятлар жаратылыўының тәрепдары.
Сайлаўшылар партияның бул усынысы саламат турмыс тәризине, қала ҳаўасын, халықтың саламатлығын жақсылаўға хызмет ететуғынын атап өтпекте. Талабан сайлаўшылар менен ушырасыўларда пикир алысып, қызықтырған сораўларына ҳәр тәреплеме жуўап берди.
Мәмлекетимиздиң барлық аймақлары бойлап партиядан көрсетилген талабанлар үгит-нәсият илажларын нәтийжели алып барып атырғанын атап өтиў керек. Халыққа партия жумысы ҳәм басламаларына тийисли үгит-нәсиятлаў қураллары, жаңа бағдарлама орын алған китапшалар, флайерлер тарқатылмақта.
Қарақалпақстан хабар агентлиги