Шри-Ланканың Коломбо қаласында волейбол бойынша CAVA U20 Men’s Volleyball Championship-2024 жарысы болып өтти.
Онда волейбол бойынша Өзбекстан сайланды командасы да қатнасты.
Қызықлы өткен беллесиўлерде мәмлекетимиз волейболшылары Қырғызстан, Непал, Түркменстан, Мальдив атаўлары ҳәм Шри-Ланка сайланды командаларын жеңип шығып, финалға жол алды.
Финал беллесиўинде болса, командамыз ағзалары Непал сайланды командасын 3:1 есабында жеңип, Орайлық Азия чемпионатының жеңимпазына айланды.
Соның ишинде, командамыз ағзаларынан Ағабек Хайдаров «Ең жақсы ойыншы», Мирзиёд Муродов «Ең жақсы пас жеткерип бериўши », Саиджамол Миробидинов «Ең жақсы ҳүжимши» номинацияларын жеңип алды.
Адилбай Оразов,
Қарақалпақстан хабар агентлиги шолыўшысы