Қарақалпақстан Республикасы Жоқарғы Кеңеси ҳәм Министрлер Кеңеси, Өзбекстан ҳәм Қарақалпақстан Республикасы Мәденият министрликлери тәрепинен Өзбекстан, Қарақалпақстан, Түркменстан ҳәм Татарстан халық артисти, мәмлекетлик сыйлықлардың лауреаты, миллий қосықшылық көркем өнериниң тийкарын салыўшыларының бири Атажан Худайшукуров туўылғанының 80 жыллығына бағышланған жас атқарыўшылардың «Ана дияр жыршысы» республикалық таңлаўы өткериледи.
Таңлаў усы жылдың 4-октябрь күни Төрткүл районындағы Атажан Худайшкуров атындағы Мәденият орайында болып өтеди. Оған республикамыздың барлық ўәлаятларында дөретиўшилик пенен шуғылланып атырған 17 жастан 40 жасқа шекемги талант ийелери қатнасыўы мүмкин.
Таңлаўда қатнасыўшылар Атажан Худайшукуров репертуарынан орын алған қосықларды атқарыўы тийис.
Қарақалпақстан хабар агентлиги