Қытайдың Харбин қаласында 2025-жылдың 7-14-февраль күнлери IX қысқы Азия ойынлары шөлкемлестирилиўи мүнәсибети менен быйылғы жылдың 23-25-сентябрь күнлери континет спорт делегациялары ушын шөлкемлестирилген семинарда Азия мәмлекетлери қатарында Өзбекстан спортшыларына да шақырық жолланды.
Өзбекстан Миллий Олимпиада комитети ўәкиллери қатнасқан әнжуманда «Харбин-2025» ойынларының шөлкемлестириў комитети өткерилетуғын беллесиўлер, илажлар ҳаққында кең көлемли мағлыўмат берилди.
Қытай тәрепи IX қысқы Азия ойынларының муз үстинде өтетуғын спорт түрлериндеги беллесиўлер Харбинда, ашық ҳаўадағы беллесиўлер Ябули қаласында өткерилетуғынын айтып өтти.
Семинар даўамында делегация ағзалары «Харбин-2025» ойынларының имаратлары, спорт командалары жасайтуғын мийманханаларда жаратылған шараятлар менен танысты.
Ойынлар даўамында түрли кеўилашар бағдарламалар шөлкемлестирилетуғыны, Харбинде шөлкемлестирилетуғын муз естеликлер фестивалы IX қысқы Азия ойынларының мирәт қағазына айланатуғыны билдирилди, делинеди Миллий олимпиада комитети хабарында.
Т.Рўзиев, ӨзА