Бирлескен Араб Әмирликлериниң Ал-Айн қаласында бокс бойынша U-14 ҳәм U-16 жас категориялыра бойынша Азия чемпионаты өз жуўмағына жетти.
Дүньяның көплеген мәмлекетлеринен жас боксшилер қатнасқан жарыста, сайланды командамыз 14 алтын, 6 гүмис ҳәм 3 қола медалын қолға киргизип, улыўма командалық есапта биринши орынды ийелеўге миясар болды.
2-3-орынлар болса, Ҳиндстан ҳәм Қазақстан жас өспиримлер сайланды командасына несип етти.
-Республикамыз бокс жанкүйерлери ушын қуўанышлы тәрепи
сонда, бул чемпионатқа 33 кг салмақта қатнасқан қарақалпақстанлы жас боксши «Баҳодир Жалолов» атындағы қәнигелестирилген бокс мектебиниң 8-класс оқыўшысы Асылбек Розумбаев та қатнасып, гүмис медальды жеңип алыўға миясар болды.
Жас боксшимизге Омар Тажиев ҳәм Бахрам Игамбердиевлер устазлық етти.
Адилбай Оразов,
Қарақалпақстан хабар агентлиги шолыўшысы.