Усы жылдың 14 сентябрь — 6 октябрь күнлери елимизде футзал бойынша жәҳән чемпионаты болып өтеди ҳәм ойынлар Ташкент қаласындағы «Ҳумо Арена», Әндижан ҳәм Бухарадағы универсал спорт комплекслеринде өткериледи.
Көпшилик футбол жанкүйерлери сыяқлы, қарақалпақстанлылар да жәҳән чемпионатын өз көзи менен көриўди қәлейди ҳәм ойынлар өткерилетуғын стадионларға кириў баҳасы неше сум екени менен қызықсынады.
championat.asia берген мағлыўматларға қарағанда, жәҳән чемпионаты ойынларының билетлери ҳәзирги ўақытта Ташкент қаласы, Әндижан ҳәм Бухарада арнаўлы кассаларда 25 мың сумнан сатылмақта екен. Сондай-ақ, билетлерди futsal2024.uz сайтынан онлайн түрде сатып алыў мүмкин деп жазбақта.
Соны айтып өтиўимиз керек, бул жарысқа дүньяның ең күшли 24 сайланды командасы қатнасады ҳәм олар жәҳән чемпионлығы ушын өз-ара гүрес алып барады.
Адилбай Оразов,
Қарақалпақстан хабар агентлиги шолыўшысы