Өзбекстан Республикасы Министрлер Кабинети «Ҳаял-қызларды қоллап-қуўатлаў механизмлерин және де жетилистириў, олардың машқалаларын шешиўде мәлимлеме-коммуникация технологияларын кеңнен енгизиў илажлары ҳаққында» қарар қабыллады.
Оған муўапық, 2024-жыл октябрь айынан баслап “Xotin-qizlar.uz” платформасы шеңберинде Ҳаял-қызлардың машқалаларын үйрениў ҳәм системалы шешиў модули иске қосылып, машқалаларды үйрениў модулы арқалы үйренилген машқалалар тийислилиги бойынша «мәҳәлле – район – ўәлаят – республика» дәрежесинде шешилиўи системасы жолға қойылады.
“Xotin-qizlar.uz” платформасын жетилистириў ҳәм турақлы техникалық қоллап-қуўатлаў бойынша қәрежетлер Өзбекстан Республикасы Шаңарақ ҳәм ҳаял-қызлар комитетиниң буйыртпасы тийкарында Шаңарақ ҳәм ҳаял-қызларды қоллап-қуўатлаў мәмлекетлик мақсетли қорына ажыратылған қаржылар шеңберинде қаржыландырылады.
Усы қарар менен:
“Xotin-qizlar.uz” платформасы ҳәм мәмлекетлик уйымлар ҳәм шөлкемлер арасында «Санлы ҳүкимет» системасының уйымлараралық интеграцияласыў платформасы арқалы уйымлараралық электрон бирге ислесиў шеңберинде алмасылатуғын мағлыўматлар ҳәм мәлимлемелер дизими;
Ҳаял-қызлардың машқалаларын үйрениў ҳәм системалы шешиў модулин ислеп шығыў бойынша илажлар режеси тастыйықланды.
2024-жыл 1-октябрьге шекем машқалаларды үйрениў модулине киргизилген мәселелерди, биринши гезекте, мәҳәлле ҳәм район (қала) дәрежесинде, зәрүр жағдайларда болса ўәлаят яки республика дәрежесинде шешиў мониторингин жүргизиўди нәзерде тутыўшы механизм енгизиледи ҳәм машқалаларды үйрениў модули арқалы келип түскен мүрәжатлерди жуўапкер министрлик ҳәм уйымлар, жергиликли атқарыў ҳәкимияты уйымлары тәрепинен үйренип шығыў ҳәм шешиўди тәмийинлеў мақсетинде олар ушын пайдаланыўшы кабинетлер шөлкемлестириледи.
2024-жыл 1-октябрьден баслап турақлы түрде Машқалаларды үйрениў модули арқалы келип түскен мүрәжатлер менен ислесиў, ҳаял-қызлардың машқалаларын шешиў бойынша мониторинг жүргизиледи.
ӨзА