Бүгин Венгрия пайтахты Будапешт қаласында Пүткил жер жүзилик шахмат Олимпиадасының дәслепки турына старт берилип, онда әмелдеги жәҳән чемпионы есапланған Өзбекстан сайланды командасы Тринидад ҳәм Тобаго шахматшылары менен ушырасса, Алексей Дреев басшылығындағы Өзбекстан ҳаял-қызлар сайланды командасы гаитили шахматшылар менен өз-ара беллесиўге түседи.
Соны айтып өтиўимиз керек, турнир швейцарша форматта 11 турда даўам етеди.
Мағлыўмат ушын айтып өтетуғын болсақ, ерлер сайланды командасы қурамында Нодирбек Абдусатторов, Жавоҳир Синдаров, Нодирбек Якуббоев, Шамсиддин Воҳидов, Жаҳонгир Ваҳидов, ҳаял-қызлар сайланды командасында Афруза Ҳамдамова, Нилуфар Якуббоева, Умида Омонова, Маржона Маликова ҳәм Нодира Нодиржонова елимиз абырайын қорғайды.
Адилбай Оразов,
Қарақалпақстан хабар агентлиги шолыўшысы