Көпшиликтиң хабары болғанындай 14-сентябрь күни Ташкент қаласында футзал бойынша гезектеги жәҳән чемпионатына старт бериледи.

Дүньяның ең күшли 24 сайланды командалары қатнасатуғын бул жарысқа Өзбекстан сайланды командасы ағзалары да пуқта таярлықлар көрип, бир қатар сайланды командалар менен дослық ушырасыўларын өткерди.

Командамыздың бас тренери Хосе Венансио Лопез футзал бойынша жәҳән чемпионатына қатнасатуғын сайланды команда қурамын жәриялады. Тилекке қарсы, чемпионатқа бир неше жетекши футболшылар жарақаты себепли қатнаса алмайды. Солай етип командамыз қурамы төмендегише көриниске ийе болды.

Дәрўазаманлар: 1.Суннат Анваров (“Бунёдкор”), 12.Аббос Элмуродов (БМБ).

Ойыншылар: 2.Фазлиддин Ботиров (АКМК), 3.Машраб Одилов (БМБ), 4.Ихтиёр Ропиев (“Оил Стар”), 5.Музаффар Аҳаджонов (БМБ), 6.Илҳом Ҳамроев (“Оил Стар”), 7.Анасхон Раҳматов (“Оил Стар”), 8.Ҳусниддин Нишонов (“Оил Стар”), 9.Элбек Тўлқинов (АКМК), 10.Акбар Усмонов (БМБ), 11.Аброр Аҳметзянов (АКМК), 13.Меҳрож Худойбердиев (“Динамо”), 14.Самариддин Беркинов (“Динамо”).

Мағлыўмат ушын айтатуғын болсақ, Өзбекстан сайланды командасы чемпионаттың «А» топарында Парагвай, Коста-Рика ҳәм Нидерландия сайланды командалары менен келеси басқышқа шығыў ушын өз-ара гүрес алып барады. Чемпионаттағы дәслепки ойын болса, 14-сентябрь күни Нидерландияға қарсы мундиалдың рәсмий ашылыў ойыны сыпатында «Ҳумо Арена»да болып өтеди.

Адилбай Оразов,

Қарақалпақстан хабар агентлиги шолыўшысы