Елимиз бойлап орынларда Ғәрезсизлигимиздиң 33 жыллық байрамына бағышланған ҳәр қыйлы кеўил ашар, мәдений, руўхый-ағартыўшылық, ушырасыў ҳәм мәдений илажлары, спорт жарыслары даўам етпекте. Қарақалпақстан хабар агентлигинде де Өзбекстан Республикасы мәмлекетлик ғәрезсизлигиниң 33 жыллығына бағышланып, агентликте жумыс ислеп атырған хызметкерлер арасында спорттың шахмат ҳәм шашка түри бойынша жарыс өткерилди.
Жарысты өткериўден мақсет – агентлик хызметкерлериниң ақыл ойыны болған шахмат ҳәм шашкаға қызығыўшылығын арттырыў, шахмат ҳәм шашка бойынша күшлилерин, үлкен жарысларға қатнасыўшы спортшыларды анықлаў, ойын арқалы хызметкерлердиң ўақытын мазмунлы өткериў болып есапланады.
Жарыс жеңимпазлары шахмат ҳәм шашка бойынша жарысқа қатнасыўшылардың бир-бири менен айланба усылда ойнаўы, соңында топланған упайларының саны менен анықланып барылды.
Жарыста жеңимпаз болған жарыс қатнасыўшыларынан биринши, екинши ҳәм үшинши орынды ийелеген хызметкерлер естелик саўғалар менен сыйлықланды.
Қарақалпақстан хабар агентлиги